رسالة من شعب ناكر الجميل
سيدى الرئيس أطال الله عمرك وبلاش احنا
لا أعرف كيف أبدأ كلامى فلم أعتاد على مخاطبة الحكام ,ولكن هذه رسالة اعتزار من مواطن ناكر الجميل مثله مثل باقى الشعب لم يقدر جهودكم الجباره فى ترسيخ مبدا الديموقراطية ومحاربة الفساد وإلغاء لفظ مواطن محدود الدخل من قاموس وطننا الحبيب , وانا اعترف انك استطعت القضاء على المواطن محدود الدخل فأصبح الأن مواطن معدوم الدخل وبهذا وضعت مصر فى مقدمة الدول التى تستحدث فئة جديده لم تكن موجودة من قبل على مر العصور وهذا ناتج عن جهودكم لجعل مصر بلد مميز بين باقى الدول , وقد اعطيت الشعب حرية التعبير ولكن الشعب انكر عليك حريتك فى اعتقال من يتكلم فقد اعطيت الشعب الديموقراطية وحرمك الشعب من استخدامها ( مش باقولك اننا شعب ناكر جميل ) وقد بذلت ما فى وسعك لتجهيز حاكم جديد يأتى من بعدك ويسير على خطاك الرشيده وهو ابنك (جمال ) فلذة كبدك تبرعت به لخدمة الشعب وما وجد منا غير كل رفض وجحود ( معلش حظك انك وقعت فى شعب غلس ) وبما ان جهودك لا تعد ولا تحصى شهد ويشهد بها القاصى والدانى ونحن لا نقدرها اطلب منك سيادة الرئيس التنحى عن الحكم فانا لا ارضى لك ان تحكم شعب مثلنا وارجو ان تأخذ ابنك معاك يعنى خده فى ايدك وماتنساش علاء كمان عشان احنا مانستاهلكوش
توقيع
مواطن مصري
أضف تعليقا
الاخت الكريمة نسمة
اشكرك على مرورك العطر
واحنا لا حصلنا جمهوريه ولا حصلنا مملكة
احنا دلوقتى محتارين مش عارفين نظام بلدنا ايه
يحولولها مملكه ويريحونا على الاقل لو جه جمال افندى ومسك الحكم نبقى مهيئين للوضع
اما انه يجى غصب عننا ويطلع يبتسم ويقول شكرا يا شعب على ترشيحى ومافيش حد اصلا هايرشحه ده بقى الكلام اللى يحرق الدم الظاهر الحكومه بتنوب عنا فى الترشيح بصراحه ناس جميله مش عاوزين يتعبونا
انا قربت اتحول من مواطن زهقان الى مواطن قرفان
ربنا يستر لانى عارف ان بعد مواطن قرفان هابقى مواطن معتقل وبعدها مواطن مرحوم
من السويد
الصديق العزيز احمد
انشغلت شويه عنك ولكن رجعيت اليك تانى
اجد رساله مكتوبه بجد بضمير ولكونى لستى مصرى الجنسيه فلا اريد اكثر مما كتبت ولكن يجب ان تعرف اننى مصرى الهوا
الله يكون فى عونك وفى عون المواطن اللى هلكه امه من كترت الرفاهيه اللى عايش فيها لدرجه من كتر الرفاهيه بده يترك البلد ويروح يهاجر للصومال
تحياتى للك واعذرنى عن التاخير ولكن انت فى القلب
تحياتى يوسف
صديقى العزيز يوسف
وحشتنى والله ويسعدنى جدا انك مصرى الهوى ومصر تحب من يحبها وعندك حق احنا زهقنا من الرفاهيه بس عشان خاطرى شوفلنا مكان تانى غير الصومال عشان امريكا راحت هناك
تسلم يا غالى على المرور الكريم
اخوك احمد
من مصر
مصر ام الدنيا والسعوديه ابوها
عادى عادى كلنا عايشين تحت الكبار
ربنا يخليهم لينا اختك توتا
من المملكة العربية السعودية
شكرا يا توتا على مرورك
دايما منورانى
أضف تعليقا
<<الصفحة الرئيسية
من مصر
بسم الله الرحمن الرحيم
نعم أحمد نحن يعود بنا الزمن للوراء لعصر الملك بل عصر الملك كان أفضل كان عدونا ليس منا وكان الفساد معروف وسهل محاربة الظلم والفقر والفساد
أما ألان كله من وراء الستائر وتحت شعار
من أجل الشعب
تقبل تحياتي
ودائما بخير مواطني الزهقان