اقترب موعد انعقاد مؤتمر القمة العربية مش عارف رقم كام عشان زهقت من العد . وانا انتظر كل عام هذا اليوم بفارغ الصبر طبعا ليس املا فى موقف عربى مشرف او قرار بمقاطعة اسرائيل او انقاذ العراق او حتى سوق عربية مشتركة ( طبعا هما اخرهم بقالة مشتركة وهيفشلو فيها برده ) لكن انا انتظرها لاشهاد واسمع فضايح السادة الحكام اللى مش قادرين يستروا نفسهم حتى فى يوم واحد بيجتمعو فيه مرة فى السنه . والله حاجة تكسف تلاقى الحاكم فلان وقف وقال للحاكم علان انت خاين وعميل يقوم يرد علية علان انت اللى خاين وعميل وعندى الادلة . يا فرحتى بيكم ويا خيبتكم وعلى رأى المثل اذا اختلف الحرامية بان المسروق . وفى النهاية يخرج علينا امين عام الجامعه وجمبه وزير خاريجة الدوله المضيفه ومرسوم على وشهم ابتسامه عريضه الظاهر بيغيظو بيها الشعوب ويتلو علينا البيان الختامى وهو نسخة طبق الاصل من البيانات السابقه ربما تختلف فى الصيغه لكن تتفق فى المضمون وهو رضينا على انفسنا وعلى شعوبنا الزل والعار وامريكا تاج راسنا وبوش حبيب الكل وكل بلد عندها صاروخين تيجى تلطش فينا شويه ماعندناش مانع وطبعا فى نهاية البيان كلمتين ناشفين لإسرائيل لحفظ ماء الوجه ( اخص عليكى يا اسرائيل عيب عليكى كده يا وحشه ) .

بذمتكم مش حاجه تقرف

نفسى يجى اليوم اللى اشوف فيه بيان فية لائات ثلاث مثل لاءات مؤتمر قمة الخرطوم الشهير وهى ( لا صلح لا تفاوض لا تطبيع ) مع العدو الصهيونى اسرائيل .

لا نرى

لا نسمع

لا نتكلم